Welcome Spice Jet in Surat...

2012-02-09T08:45:00.000-08:00

સુરતીઓને એર કનેકટીવીટી માટે અભિનંદન..... ઘણા લાંબા સમયથી સુરત શહેર એર કનેકટીવીટી માટે લડત ચલાવતું હતું. વિશ્વમાં સૌપ્રથમવાર એર કનેકટીવીટીની માંગણી માટે સફળતાપૂર્વક "વિમાન રોકો આંદોલન" કર્યું હતું અને સુરતીઓના મિજાજને જોઇને એરઇન્ડિયાએ પહેલા ભાવ ઘટાડવાની ફરજ પડી હતી. અને સરકારે નવી એર કનેકટીવીટી આપવા માટે દિલ્હી - સુરત- મુંબઈ - બેંગ્લોરની ફ્લાઈટ માટે પ્રાઇવેટ કંપનીઓને મંજુરી આપવાની ફરજ પડી છે. તો સુરતીજનોને સુરતના વિકાસ માટે જરૂરી એવી એર કનેકટીવીટી મેળવવા માટે અભિનંદન આપું છું. સાથે સાથે સ્પાઈસ જેટના સંચાલકોને પણ અભિનંદન પાઠવું છું જે સુરતના શહેરીજનો સાથે દિલથી જોડાયા છે અને સુરતીઓને દેશ સાથે વધુ જોડ્યા છે. સ્પાઈસ જેટના સંચાલકો સમયમાં પણ ફેરફાર કરશે અને સારી સર્વિસ આપશે તો સુરતીઓ તેમને નિરાશ નહિ કરે... ફરીથી શહેરીજનોને ખુબ ખુબ અભિનંદન.....

ગુરુદક્ષિણા........

2011-05-14T00:12:00.000-07:00

ગુરુદક્ષિણા, આજે આ વિષય પર એક વિદ્યાર્થીઓના સંમેલનમાં ઉદબોધન કરવાની તક મળી. આજના આ યુગમાં જ્યાં યુવાનો Face book, Twitter અને Website ના માધ્યમથી શીખે છે ત્યારે એમને ગુરુ (શિક્ષક) નું મહત્વ સંબોધવું ઘણું મુશ્કેલ છે અને વળી એ પણ એક રાજકારણીને આ મુદ્દે તેઓ સાંભળે એ તો સૌથી મુશ્કેલ છતાં આ હિંમત કરી જ નાખી પણ મારા જીવનનો આ એક યાદગાર પ્રસંગ બની રહ્યો અને એટલે જ આપની સમક્ષ મારા એ પ્રસંગને રજૂ કરું છું.

ગુરુદક્ષિણા રામાયણ- મહાભારત જેવા મહાકાવ્યોમાં સાંભળેલા શબ્દો જ્યાં શિષ્ય દ્વારા ગુરુને ગુરુદક્ષિણા આપવાની પ્રથા હતી પણ આજના આ હાઈટેક યુગમાં ગુરુદીક્ષા!!!!!!! ત્રણ ઉદાહરણો દ્વારા મારી વાતને રજૂ કરીશ. પહેલું એકલવ્ય અને ગુરુદ્રોણ. ગુરુદ્રોણે પોતાના એક શિષ્યના ભવિષ્ય માટે ગુરુદક્ષિણામાં અંગુઠો માંગ્યો (આજના યુગમાં કદાચ શિક્ષકે આપવો પડે) અને એકલવ્યે એનો શિષ્ય ધર્મ નિભાવ્યો પરંતુ આ ગુરુદક્ષિણામાં ગુરુનો સ્વાર્થ હતો. આજ સુધી એકલવ્યની જાતિના લોકો ધનુષ ચલાવવામાં અંગુઠાનો ઉપયોગ નથી કરતા.

બીજું બહુ જ જાણીતું ઉદાહરણ શિવાજી મહારાજ અને એમના ગુરુ સ્વામી રામદાસનું. જયારે એમના મામા એ દેશદ્રોહ કર્યો ત્યારે શિવાજી મહારાજે એમને મારી નાખવાનો આદેશ કર્યો. આ સમયે એમના મામા શિવજીના ગુરુના શરણમાં ગયા. સ્વામી રામદાસ શિવજીને મળવા ગયા અને ગુરુદીક્ષામાં મામાનું જીવનદાન માંગ્યું. શિવાજી એ ગુરુદક્ષિણા આપવાનું સ્વીકાર્યું. અને બીજે દિવસે દરબારમાં એમના મામાને હાજર થવા કહ્યું અને જેવા એમના મામા હાજર થયા એવું જ શિવાજી એ આદેશ કર્યો કે એમના હાથ-પગ કાપી જંગલમાં નાખી દો. આ આદેશથી ગુસ્સે થઈ સ્વામી રામદાસે શિવજીને કહ્યું કે; “તમે મને જે વચન આપ્યું હતું એ પાળ્યું નહિ અને વચન ભંગ કર્યો,” એના પ્રત્યુતરમાં શિવાજીએ કહ્યું ; “મેં કોઈ પણ વચન ભંગ કર્યું નથી આપે ગુરુદક્ષિણામાં મામાનું જીવનદાન માંગ્યું અને મેં આપ્યું. એક રાજા તરીકે અને આપે આપેલ શિક્ષણ મુજબ મેં ન્યાય જ કર્યો છે હું ઇતિહાસમાં એવું નથી લખાવવા માંગતો કે શિવાજીના સમયમાં લાગવગ શાહી ચાલતી હતી અને આજે મામાને સજા કરી મેં લોકોને એ દાખલો આપ્યો – ગુરુદક્ષિણા પણ આપી અને રાજા તરીકેનું કર્તવ્ય પણ નિભાવ્યું.”

અને ત્રીજું ઉદાહરણ શ્રી એ.પિ.જે. અબ્દુલ કલામ સાહેબ અને એમના શિક્ષકનું. જયારે શ્રી કલામ સાહેબ આપણા દેશના રાષ્ટ્રપતિ બન્યા ત્યારબાદ એમણે પોતાના શિક્ષકોનો સન્માન સમારોહ રાખ્યો અને આ સમારોહમાં એમના શિક્ષકે પોતાના ઉદબોધનમાં કહ્યું કે “આજે કલામ તેં મને મારા શિક્ષક તરીકેનું ગૌરવ અપાવ્યું છે અને મારા શિક્ષક તરીકેના જીવનને ધન્ય કર્યું છે.” એક શિક્ષક માટે એના વિદ્યાર્થીની સફળતા જ સાચા અર્થમાં ગુરુદક્ષિણા છે.

હવે આપ વિદ્યાર્થી હો તો આપ કહો આપ આપના શિક્ષકને ગુરુદક્ષિણામાં શું આપશો? અને આપ જો શિક્ષક હો તો આ ત્રણ ઉદાહરણમાંથી આપ કેવા ગુરુ બનાવા ઈચ્છશો????? આપના મંતવ્યો આવકાર્ય છે.

C. R. Paatil says.......

Welcome Spice Jet in Surat...

ગુરુદક્ષિણા........